Calamares de barra
Os calamares fritos son un clásico da gastronomía española, hai infinidade de maneiras de preparalos, así como tamén son moitas as pasibilidades de botar a perder a receita. Todo o hai que dicir!
Os calamares fritos non admiten medias tintas. Ou saen crocantes e lixeiros ou acaban convertidos nunha triste goma aceitosa.
O que se busca é un calamar crocante por fora e tenro por dentro, feito que non sempre se consegue.
A intención deste post é deixar claras as pautas a seguir, para facer unha ración de calamares como dios manda.
Queda deixar claro, que esta receita non leva ovo para o reboce, únicamente se usa fariña.
Como pasa coa mayoría das receitas, canto mellor sexa a calidade da materia prima mellor será o resultado. Todo comeza aí, no calamar. Un bo calamar da ría ten algo especial, algo de tesouro mariño, por dicilo dalgunha maneira! Son caros, si, coma o demo, pero as diferenzas cos que veñen do quinto pino non se explican, mastícanse.
Despois de limpos e troceados en anillas, hai que secalos é salalos debidamente, xa que estes non necesitan de moito sal.
Hai que ter en conta que para conseguir un reboce de 10, os calamares teñen que estar ben secos, antes de enfariñalos cunha mistura a partes iguais de fariña de garbanzo e trigo. "fifty fifty"
O aceite ten que estar quente, se a temperatura é inferior a 170ºC os calamares absorberán demasiado aceite, e se a temperatura é maior de 190ºC queimaranse.
Un truco, é fritir en tandas pequenas para que a temperatura do aceite non baixe.
O tempo orientativo de fritura é 1 minuto, depende do grosor, si, pero se ao cabo de minuto e medio non están dourados, algo estás facendo mal. A fritura ten que ser rápida, para que non queden duros chiclosos.
Por último, hai que retiralos a unha bandexa con papel absorbente.
Erros comúns:
Demasiado salados
Rebozalos sen estar secos
Aceite pouco quente
Fritilos en exceso.
Comentarios
Publicar un comentario