Unha semana de vida

A día de hoxe Paparroda xa ten unha semana de vida, e o todo poderoso Google xa considera que ten que mostralo no primeiro posto de búsqueda, eso gústame, pero aínda quedan moitas cousas que pulir, unha delas é optimizar as vistas para dispositivos móbiles. Encantaríame ter todo perfecto pero, mentres se capa non se asubía, prefiro construír unha base sólida para despois seguir axustando parámetros que non intentar facer todo atropeladamente en un pis pas deixando carencias en todos os apartados. Pouco a pouco andarase o camiño aínda que mirando as estatísticas do blog, o navegador máis usado non foi o de un smartphone, se non que foi Firefox para PC cun 38% seguido de Chrome cun 15% (nunca me imaxinei que o modesto Chrome; o meu pensar, acadara ese posto), por outra parte, Windows lévase a palma referente ó apartado de sistemas  operativos cunha cota do 57% seguido de Android cun 19% e iOS cun 12%. Tamén quero resaltar que Paparroda xa é internacional, foi visto dende Portugal, Francia, Suíza, Alemania,  Estados Unidos e a nosa España claro está, cun 88% moitas das visitas supoño que serán emigrantes xa que non vexo o interés de esta xente en ver un blog en galego, aínda que unha imaxe vale máis que mil palabras, por iso que estas  sempre estarán presentes en Paparroda. Queda manter este ritmo e chegar a Oceanía, Asia e África, case nada!, pero bueno…, o mundo non se fixo en dous días e a esperanza é o último que se perde.

Por outra parte queda agradecer os vosos apoios e darvos as gracias polas visitas.

En vista de que Paparroda pretende ser un viaxeiro nato, haberá que pensar na posibilidade de poñer un tradutor  pensando nas visitas que non sexan da terriña, aínda que non sei o tradutor como sairá a flote con este galego coloquial que tanto me gusta.