Fideuá de navallas
Hai pratos que nacen dunha receita e outros que nacen dun produto. Neste caso, a inspiración chegou da man dunhas magníficas navallas da ría de Arousa, un auténtico tesouro das nosas costas que merecía ser o gran protagonista. Xa vai duns anos que levo facendo este prato delicioso, navallas con fideos, que co permiso dos de Gandía lle chamo Fideguá. Eles son os auténticos reis desta exquisita comida.
Unha Fideguá que fun perfeccionando co paso do tempo, unha fideguá con auténtico acento galego.
A elección do fideo ten a súa importancia. Decanteime polo fideo nº 4 de Gallo, xa que o fideo Fideguá desta mesma marca, encharcase moito e engorda como un condenado. O fideo nº4 é capaz de absorber todo o sabor do rustrido e manter unha textura perfecta no prato.
Referente ao tomate frito, utilizo estes botes pequerrechos de 100g da marca Solís, máis que nada porque me gusta, ademais de ser a medida xusta para os 400g de pasta.
Cando se conta con produtos de primeira, como son as navallas da ría de Arousa, o traballo consiste máis en acompañar que en intervir. O resto faino o propio ingrediente.
Non sei se os mestres fideueiros de Gandía aprobarían esta pequena licenza gastronómica, pero estou convencido de que compartirían unha idea fundamental: o respecto polo produto é sempre o mellor punto de partida para calquera receita.
E así chegou á miña mesa esta especie de fideuá galega, mariñeira, sinxela e saborosa; un encontro entre o Mediterráneo e o Atlántico servido en forma de fideos e navallas, que comparto con todos vós.
Aquí vos deixo a lista de ingredientes:
4 Allos
2 Cebolas
1 Puerro
1 Pemento
3 Zanahorias pequenas
100g de tomate frito
400g de fideo nº 4
Aceite
Sal
Comiños
Pementa negra
Auga
Chicharos conxelados
Perexil fresco
Navallas
Comézase facendo un rustrido
Nunha tixola(sartén) cun par de culleradas de aceite de oliva, rústrese a lume lento: 4 allos, 2 cebolas, 1 puerro, 1 pemento morrón e 3 zanahorias pequeneiras. No momento que o rustrido está listo, retírase a sartén do calor para que baixe un pouco a temperatura e deixe de burbullar fuerte. Añádese 1/2 culler de postre de pementón e 1/2 culler de postre de cúrcuma. Reméxese todo moi ben, vólvese a por no calor e cando empece a burbullar de novo, retírase. O motivo de baixar a temperatura do rustrido é para non "pasar" o pementón.
Poñer a paelleira ao lume e engadir o rustrido. De seguido, incorporar 100g de tomate fritido e mesturar ben ata obter unha base homoxénea. Engadir a pasta e remexer durante uns intres, para que os fideos se impregnen por completo dos aromas e sabores do rustrido. A continuación, incorporar os chícharos e mesturar de novo.
Chegado a este punto, hai que prestar especial atención ao seguinte paso: durante aproximadamente dous minutos, hai que ir engadindo auga morna de maneira gradual mentres se remexe constantemente. O obxectivo é que a pasta absorba o líquido de forma uniforme ata quedar completamente cuberta, tal como se mostra no vídeo.
Sazoar con sal, comiños e pementa negra moída. Tras uns 12 minutos de cocción, espolvorear perexil fresco picado sobre a superficie e retirar a paelleira do lume. Tapar e deixar repousar, polo menos, durante 5 minutos para que os sabores se asenten e a pasta acade a súa textura óptima antes de servir.
Comentarios
Publicar un comentario