PAPARRODA

Xa chegou o evento máis hipócrita destas datas. “Everybody to the dead cow”. Este non é outro que a cea de empresa , que non ten nada que ver coa cea de compañeiros de traballo, ollo! A diferenza está en que nesta última, cada un da “ selección ” paga o que rompe, e na de empresa, o mandamáis paga o de tódolos “ cans e gatos ” incluido a súa. A mesturanza de individuos que se xunta nun evento deste tipo é extraordinaria, dende os que van por compromiso, que non lles queda outra que achantar, meus pobres! ata os que van porque vai o veciño, meus pobres tamén! No medio de todos eles, hainos que van cun propósito claro e  definido, cada un poñendo en práctica a súa especialidade: Impresionar, aparentar, ligar, cheos de fame que parece que nunca viron comida, as terasexy e os que van única e exclusivamente para beber, causantes directos da dexeneración do evento. Uns con máis glamour e outros con menos, pero todos acuden  á   vaca morta , onde se codean individuos con

Deportivamente falando, xa temos aquí un clásico do Nadal por excelencia, a Sin-Son . Que será o que ten esta carreira que tanto nos seduce? Nin o madrugón do domingo, nin o frío de Portosín, nin a costa da Guieira son quen de romper esa atracción que tanto nos chama. Para máis información:  http://www.sin-son10k.com Referente á preparación física, o que non se fixo xa non se fai, pero tranquilos, o importante é participar.  Sorte! Vémonos domingo. Datos para o recordo Fotos da carreira Teño que agradecer a RunPhotos Galicia e a Andrea Carleos Photography, estas estupendas imaxes.

Imaxe atopada en Pinterest Daquela cando éramos cativos, dependendo como fosen os amigos, agrupábamolos en infinidade de subgrupos, chamándolle dunha maneira ou doutra, dende os mellores amigos ata os de nin fu nin fa, que tamén eran amigos! Ao facernos adultos, como que estas subdivisións parecéronnos cousa de rapaces e pasamos un chisco delas, pero aínda así temos diferentes tipos de amizades. Neste post, vou falar de todos eles, dos que non se teñen, dos que escasean e dos que sobran (os do montón). Sobre os amigos non hai nada escrito, poden ser altos, baixos, gordos, flacos, bos, malos, espabilados e aparvados. Para ser bo amigo non fai falla ser intelixente nin boa persoa, de feito hainos malos como a peste e son excelentes amigos, polo tanto, a clave da amizade parece que está nos sentimentos. Como esto de ter amigos é algo que aínda non se fai ante notario,   cada un ten os que quere, cando quere e como quere, o malo é mantelos. Polo de pronto, os amigos todos son ch